Eixo de comunicacións entre as comarcas de Navia e da
Fonsagrada, Grandas de Salime é a cabeceira económico-comecial
do Alto Navia
O Museo Etnográfico de Salime
A
antiga Casa Rectoral de Salime é sede dun interesante museo
etnográfico popular que reproduce o galaico hábitat e vida
destas terras: lareira, tear, adega, hórreo e máis unha exposición
de máis de 3.000 pezas de labranza, cociña, madreñas,
etc.. É posible ver no museo a artesáns da comarca
amosando o seu bon facer ao público e, nomeando a labores artesáns,
hai que citar os deliciosos e cremosos queixos tradicionais de vaca das
terras dos Oscos.
Mostra do crecente dinamismo económico e cultural de Grandas
de Salime é exemplo a celebración de diversos actos culturais
como as I Xornadas da Lingua e da Cultura
Galega de Asturias, así como o II Congreso da Lingua e da Cultura
Galega da Terra Navia-Eo, O Bierzo e As Portelas.
As Gándaras de Salime, capital comercial do Alto Navia
Nunha
localización estratéxica entre as comarcas de A Fonsagrada
e de Navia, a terra de Salime é o eixo de
comunicacións entre Norte e Sur do río Navia e, xa que logo,
cabeceira económica da comarca do Alto Navia. A súa xeografía
montesa condiciona un peculiar e benigno microclima que permite a elaboración
de viño e favorece durante todo o ano a práctica de actividades
ao aire libre.
As Paraxes Protexidas da Serra de Carondio, no linde con Pezós
e Allande, acadan invernías altitudes
no cumio de Pedras Apañadas. O río do Ouro chega polo leste
desde terras dos Astures abríndose paso nun complicado e bravo releve
ata calmar forzas no encoro de Salime de Navia, apto para a práctica
de deportes náuticos. Estas ambas paraxes son ideais para
excursións de un ou varios días. Outros pontos de interese
en Salime son o Castro do Chao Sanmartín, a Casa de Suárez
en Santa María, a vella igrexa parroquial do séc.VII de Penafuete,
e máis os núcleos de Pelou e o de Grandas, coa Casa de Román
e a románica colexiata de San Salvador.
Para saber máis sobre Grandas de Salime:
Museo Etnográfico de Grandas de Salime: 985 627 243
Concello de Salime: praza da Constitución / tel. 985 807 004 |