As maiores altitudes da Britonia occidental descenden polas
terras de Ourol ata se fundiren co Cantábrico nas terras de Viveiro
A Montaña de Ourol
As
terras de Ourol comprenden unha área de transición xeográfica
desde as altitudes do Xistral de Muras ata a Mariña de Viveiro
no Cantábrico: é a Serra do Xistral, a formación montañosa
máis septentrional de Galicia, con cumios que superan os 1000 m.
Ourol é unha terra natural, onde os seus escasos habitantes
se dedican ao cultivo do agro. Entre os seus mestos montes e outas cimas
nacen ríos de frías augas como o Landro, Besteburiz ou o
Sor, que descende encaixado polas terras de Mañón
e O Vicedo. É Ourol paisaxe natural excelente
para a práctica de actividades de lecer ao aire libre no incomparable
cadro da Serra do Xistral, un dos recunchos máis inexplorados de
Galicia.
Nas abas dos últimos altos do Xistral compartidos co Valadouro,
concretamente na parroquia de Miñotos, encóntranse
reses de gando en liberdade e máis unha fermosa paraxe na ermida
de Santa Mariña, onde o río Embalsadas. Entre as festas populares
cómpre destacar a popular romaría do 13 de maio da parroquia
de Bravos e o Corpus Christi de Ourol.
Para saber máis de Ourol:
Concello de Ourol: O Mesón / tel. 982 559 109 |