Os Oscos, estación do Camiño de Santiago

O Mosteiro de Vilanova de Oscos era a porta de Galicia para o peregrino xacobeo que emprendía o Camiño do Norte. Procedentes do Mosteiro de Obona, os peregrinos entraban en Galicia por Allande e repousaban en Vilanova antes de proseguiren a ruta cara A Fonsagrada. 

Dado este importante feito, no século XII o arquitecto Domingos Lois Monteagudo, Mestre Maior da Catedral de Santiago de Compostela, iniciou en Vilanova a construcción do mosteiro que durante medio milenio exercería xurisdicción sobre as Terras Navia-Eo. 

O núcleo urbano de Vilanova artéllase desde aquela ao redor do sobrio mosteiro cisterciense declarado Monumento Histórico-Artístico. A igrexa parroquial de Vilanova, antigamente parte do complexo monacal, exhibe un nobre sartego románico na capela central, e unha delicada talla artesanal de madeira. Outras construccións relixiosas son a barroca capela de Santa Eufemia, do séc.XVIII, a igrexa de San Cristovo e a capela de Folgueira Rubia. 
 

A máxima altitude de Britonia

Vilanova ten a máxima altitude de Britonia en A Bobia, 1202m, cun impresionante panorama que en días nítidos enxerga a ría de Ribadeo, as terras da Mariña, Taramundi, Boal e Eilao. Tanto en A Bobia como na Serra de Ouroso, que divide as cuncas do Navia e do Eo, encóntranse reses bravas de gando. 

Na Serra de A Bobia consérvase unha necrópole protohistórica e na Serra de Pumarín quedan as mámoas da Chaira das Grallas e a anta do Corro da Ovella Morta. Na parroquia de Morlongo pódense visitar o seu castro, o muiño e os seus orixinais cabazos, coñecidos coma os teitos de Morlongo. 
 

Para saber máis sobre Vilanova:
Concello de Vilanova de Oscos: A Vila