|
Terra montañeira entre o Xistral e a Terra Cha, Abadín
forma un enxebre espacio natural dominado pola altitude do invernés
Cadramón
O sur da Serra do Xistral
 Antigas
terras da Provincia de Mondoñedo ligadas historicamente aos centros
monásticos de Meira e Lourenzá,
Abadín é un senlleiro espacio natural presidido pola invernía
altitude do Cadramón, un dos cumios máis septentrionais
do Reino de Galicia. Desde o hábitat natural de rebaños de
cabras e ovellas nacen no Xistral os ríos de boa pesca do
Anllo e o Támoga, que descenden armoniosamente cara a Terra Cha
entre emotivas e feiticeiras fragas.
Entre os seus monumentos cabe salientar a sinxela igrexa románica
de Santa María de Abadín, do séc.XII, con capela
gótico-isabelina do séc.XVI, así como os numerosos
cruceiros espallados por estas terras, especialmente os da parroquia de
Corvite.
A popular Feira de Santos de Abadín, celebrada nos primeiros
días de novembro, é un grande encontro comercial e festivo
que atrae a xentes de toda Galicia. Son tamén moi populares a romaría
de San Cosme da Montaña en Galgao o 26 e 27 setembro, e as
festas de Abadín a finais de xuño.
Para saber máis de Abadín:
Concello de Abadín: Praza do Concello / Tel. 982 508 021 |
